ஜெனரல் சரத் பொன்சேகா ஜனாதிபதி மகிந்த ராஜபக்சவிடம் தனக்கு பொது மன்னிப்பு அளிக்குமாறு கோரமாட்டார் என்று ஜனநாயக தேசிய முன்னணியின் பொதுச்செயலரும் எம்.பியுமான விஜித்த ஹேரத் தெரிவித்துள்ளார். 30மாத சிறைத்தண்டனைக்கு ஜனாதிபதி அங்கீகாரம் வழங்கியதையடுத்து அவர் நேற்றிரவு வெலிக்கடை சிறைக்கு மாற்றப்பட்டார். இந்நிலையில் தீர்ப்பு தொடர்பில் ஜனாதிபதியிடம் சரத் பொன்சேகா கோரினால் அவர் தீர்ப்பினை பரிசீலனை செய்வாரென வெளியான தகவல்களையடுத்தே விஜித ஹேரத் மேற்கண்டவாறு தெரிவித்துள்ளார். பொன்சேகாவுக்கு எதிரான தீர்ப்பு அரசியல் பழிவாங்கல் என்றும் அவர் குறிப்பிட்டுள்ளார். சரத் பொன்சேகாவின் விடுதலைக்கு நாடுமுழுவதிலும் பொதுமக்களின் ஆதரவு திரட்டப்படும். சிவில் நீதிமன்றம் மூலம் அவர் விடுவிக்கப்படுவார் என்றும் விஜித ஹேரத் மேலும் தெரிவித்துள்ளார்.
ript>
கருத்துகள் இல்லை:
கருத்துரையிடுக