உள்ளுராட்சி மன்றத் தேர்தல்களில் போட்டியிடும் வேட்பாளர்களுக்கான கட்டுப்பணம் குறைக்கப்பட வேண்டுமென ஐக்கிய தேசியக் கட்சி கோரிக்கை விடுத்துள்ளது. அரசியல் கட்சிகளின் சார்பில் போட்டியிடும் வேட்பாளர்கள் மற்றம் சுயாதீனக் குழுக்களில் போட்டியிடும் வேட்பாளர்கள் ஆகியோருக்கான கட்டுப்பணத் தொகை குறைக்கப்பட வேண்டுமென ஐக்கிய தேசியக் கட்சியின் பாராளுமன்ற உறுப்பினர் லக்ஸ்மன் கிரியல்ல தெரிவித்துள்ளார். கட்டுப்பணம் அதிகரிக்கப்படுவதனால் வறியவர்கள் தேர்தலில் போட்டியிட முடியாத ஓர் சூழ்நிலை உருவாகும் என அவர் சுட்டிக்காட்டியுள்ளார். இவ்வாறு கட்டுப்பணத் தொகை அதிகரிப்பினால் சதாரண மக்களின் ஜனநயாக உரிமை முடக்கப்படலாம் என அவர் குறிப்பிட்டுள்ளார். உத்தேச உள்ளுராட்சி மன்றத் தேர்தல் சட்டத் திருத்தங்களின்படி அரசியல் கட்சி வேட்பாளர் ஒருவர் 5000 ரூபாவினையும், சுயாதீனக் குழு வேட்பாளர் ஒருவர் 20,000 ரூபாவினையும் கட்டுப்பணமாக செலுத்த வேண்டும் எனத் தெரிவிக்கப்பட்டுள்ளது
ript>
கருத்துகள் இல்லை:
கருத்துரையிடுக