யுத்தநிறுத்த உடன்படிக்கை வீழ்ச்சியடைய அமெரிக்காவும் பிரித்தானியாவும் காரணம்..!!

புலிகளுக்கும் அரசிற்குமிடையிலான யுத்த நிறுத்த உடன்படிக்கை வீழ்ச்சியடைவதற்கு அமெரிக்காவும் பிரித்தானியாவும் காரணம் என தெரிவிக்கப்பட்டுள்ளது. அமெரிக்காவிற்கான இலங்கைத் தூதுவர் ஜாலிய விக்ரமசூரிய அந்நாட்டு காங்கிரஸ் சபை உறுப்பினர்களுடன் பேச்சுவார்த்தை நடத்தியுள்ளார். இலங்கையின் தற்போதைய அரசியல் சூழ்நிலைமைகள் குறித்து இப்பேச்சுவார்த்தையின்போது கூடுதல் கவனம் செலுத்தப்பட்டுள்ளது. குறிப்பாக பொருளாதார அபிவிருத்தி, மீள்குடியேற்ற நடவடிக்கைகள் மற்றும் வெளிநாட்டு முதலீடு போன்ற துறைகள் குறித்து இலங்கைத் தூதுவர், அமெரிக்கப் பிரதிநிதிகளுக்கு விளக்கமளித்துள்ளார். அமெரிக்க ஜனநாயகக் கட்சி செனட்சபை உறுப்பினர் மேரி லென்டர்யூ, கிளன் தொம்சன், ஜிம் மோர்கன் குடியரசுக் கட்சியின் பிரதிநிதி ஸ்டீவ் டெரியாஸ், ஹொவாட் க்ளோப் உள்ளிட்டோருடன் பேச்சுவார்த்தை நடத்தப்பட்டுள்ளது. உண்மையைக் கண்டறியும் ஆணைக்குழுவின் பணிகளுக்கு அமெரிக்காவின் உதவியை பெற்றுக்கொள்ளுவது தொடர்பிலும் கவனம் செலுத்தப்பட்டுள்ளது.